’ٹرمپ نے پورن سٹار کو رقم کی ادائیگی کے لیے وکیل کو رقم دی‘

ٹرمپ اور ڈینیئلزتصویر کے کاپی رائٹ Reuters
Image caption صدر ٹرمپ نے پہلے کہا تھا کہ انھیں سٹورمی ڈینیئلز کو رقم کی ادائيگی کے بارے میں کوئی علم نہیں

امریکی صدر ڈونلڈ ٹرمپ نے اپنے وکیل کو کی گئی ادائیگیوں کی تفصیل باضابطہ طور پر ظاہر کر دی ہے جنھوں نے ایک پورن سٹار کا منھ بند کرنے کے لیے اسے رقم دی تھی۔

دفتر برائے سرکاری اخلاقیات (او جی ای) کو بدھ کے روز معلوم ہوا کہ ٹرمپ کو اس ادائیگی کی اطلاع اپنے پچھلے مالیاتی گوشوارے میں ظاہر کرنی چاہیے تھی۔

اس سے ظاہر ہوتا ہے کہ انھوں نے مائیکل کوہن کو 2016 کے اخراجات کے لیے ایک لاکھ اور ڈھائی لاکھ ڈالر کے درمیان ادائیگی کی۔

صدر ٹرمپ کے وکیل کا پورن سٹار پر دو کروڑ ڈالر کا دعویٰ

ٹرمپ کے وکیل کا اعتراف کہ پورن سٹار کو پیسے دیے تھے

ٹرمپ کے ساتھ تعلقات: ’پورن سٹار کو ایک لاکھ ڈالر دیے گئے‘

صدر ٹرمپ نے اس سے قبل پورن سٹار سٹورمی ڈینیئلز کو دیے جانے والے ایک لاکھ 30 ہزار ڈالر سے لاعلمی ظاہر کی تھی۔

وائٹ ہاؤس نے کہا کہ یہ بات ‘شفافیت کی غرض سے’ ظاہر کی جا رہی ہے اور کہا ہے کہ اس کا افشا ضروری نہیں تھا۔ تاہم دفترِ اخلاقیات او جی ای نے ایک خط میں لکھا کہ ‘مسٹر کوہن کو کی جانے والی ادائیگی کو ظاہر کرنا ضروری تھا۔’

نائب اٹارنی جنرل راڈ روزنسٹین کو لکھے گئے اس خط میں او جی اے کے قائم مقام ڈائریکٹر نے لکھا ہے: ‘یہ انکشاف اس تفتیش سے متعلق ہو سکتا ہے جو آپ کر رہے ہیں۔’

نائب اٹارنی جنرل امریکی محکمۂ انصاف کی اس تفتیش کے نگران ہیں جو وہ 2016 کے صدارتی انتخابات میں صدر ٹرمپ کی ٹیم کی روس کے ساتھ ممکنہ ساز باز کے سلسلے میں تحقیقات کر رہے ہیں۔

اگر یہ ثابت ہو گیا کہ سٹورمی ڈینیئلز کو صدارتی مہم کی چندے کی رقم سے ادائیگی کی گئی تھی تو یہ ٹرمپ کے پریشان کن ثابت ہو سکتی ہے۔

گذشتہ ماہ امریکی تفتیشی ادارے ایف بی آئی نے کوہن کے ریکارڈز قبضے میں لیے تھے، اور اس وقت ان کے خلاف تحقیقات جاری ہیں۔

ڈینیئیلز نے دعویٰ کیا تھا کہ ان کے ٹرمپ کے ساتھ جنسی تعلقات تھے، جنھیں چھپانے کی غرض سے ٹرمپ کے وکیل نے صدارتی انتخابات سے قبل انھیں ایک لاکھ 30 ہزار ڈالر ادا کیے تھے۔

ٹرمپ اس کی سختی سے تردید کر چکے ہیں۔ انھوں نے یہ بھی کہا تھا کہ یہ رقم ان کے وکیل نے اپنی جیب سے ادا کی تھی۔

This post is shared by PakPattani.com For Information Purpose Only

اپنا تبصرہ بھیجیں