بالی وڈ اداکار عرفان خان کی دو ماہ بعد ٹوئٹر پر واپسی

عرفان خانتصویر کے کاپی رائٹ NBCUNIVERSAL

بالی وڈ اداکار عرفان خان کی بدھ کو تقریباً دو ماہ کے بعد ٹوئٹر پر واپسی ہوئی ہے۔

مارچ میں عرفان خان نے بتایا تھا کہ وہ نیورونڈوکرائن ٹیومر نامی بیماری میں مبتلا ہیں۔ اطلاعات کے مطابق عرفان خان کا برطانیہ میں علاج جاری ہے۔

اس بار عرفان خان نے اپنی آنے والی فلم کے بارے میں ٹویٹ کی ہے۔ ان کی یہ نئی فلم 10 اگست کو ریلیز ہونے جا رہی ہے۔

بالی وڈ اداکار عرفان خان نیورونڈوکرائن ٹیومر کا شکار

بالی وڈ کے اداکار عرفان خان کو کیا ہوا؟

عرفان خان اب تک سلم ڈاگ ملینیئر، لائف آف پائی، جوریسک ورلڈ اور دی ایمزنگ سپائڈرمین جیسی 100 سے زائد ہالی وڈ اور بالی وڈ فلموں میں کام کر چکے ہیں۔

ان کے مداح انھیں ایک بار پھر سوشل میڈیا پر دیکھ کر کافی خوش ہیں۔

بہت سی معروف بالی وڈ فلموں میں کام کرنے والے عرفان خان کا ان کے مداحوں نے ٹوئٹر پر خیرمقدم کیا اور ان کی جلد صحت یابی کے لیے نیک تمناؤں کا اظہار کیا۔

تصویر کے کاپی رائٹ TWITTER

نیورونڈوکرائن ٹیومر ایک ایسی بیماری ہے جو انسانی جسم میں ان خلیوں کو متاثر کرتی ہے جو خون کے بہاؤ میں ہارمونز خارج کرتے ہیں۔

عرفان خان نے چھ مارچ کو ٹویٹ کیا تھا کہ انہیں ایک نایاب بیماری لاحق ہو گئی ہے تاہم اس وقت انھوں نے اس سے زیادہ کچھ نہیں بتایا تھا۔

تصویر کے کاپی رائٹ TWITTER

انھوں نے سنہ 2013 میں ہی کانز فلم فیسٹیول کے دوران اپنی فلم ‘لنچ باکس’ کے لیے عوامی پسندیدگی کا ایوارڈ بھی حاصل کیا۔ یہ وہ واحد انڈین فلم تھی جسے اُس برس لندن فلم فیسٹیول کے مقابلے کے لیے بھی چنا گیا تھا۔

تصویر کے کاپی رائٹ TWITTER

اس کے علاوہ سنہ 2013 میں ہی انھوں نے قومی فلم ایوارڈ حاصل کیا تھا۔

This post is shared by PakPattani.com For Information Purpose Only

اپنا تبصرہ بھیجیں