برطانوی حکومت فلسطین کے لیے اپنی حکمت عملی تبدیل کرے، افضل خان

لندن : برطانیہ کی رکن پارلیمنٹ افضل خان نے اپنے حق کے لیے مظاہرہ کرنے والے نہتے شہریوں پر اسرائیلی افواج کی فائرنگ اور شیلنگ کی مذمت کرتے ہوئے کہا ہے کہ برطانوی حکومت فلسطین کے لیے اپنی حکمت عملی تبدیل کرے۔

تفصیلات کے مطابق برطانیہ کی پارلیمنٹ میں اراکین پارلیمنٹ بھی اسرائیلی افواج کی اپنے حق کے لیے احتجاج کرنے والے نہتے فلسطینیوں پر اسرائیلی افواج کی فائرنگ اور شیلنگ کی شدید مذمت کی ہے۔

برطانیہ کے رکن پارلیمنٹ افضل خان نے فلسطین میں اسرائیلی مظالم اور بربریت کے خلاف صدائے احتجاج بلند کرتے ہوئے کہا ہے کہ برطانوی حکومت فلسطین کے حوالے سے اپنی حکمت عملی تبدیل کرے۔

رکن برطانوی پارلیمنٹ افضل خان کا کہنا تھا کہ عالمی برادری کی ذمہ داری ہے کہ فلسطینی عوام کی سیکیورٹی کو یقینی بنایا جائے۔

برطانیہ کے وزیر خارجہ بورس جانسن نے رکن پارلیمنٹ افضل خان کے مطالبے کی حمایت کرتے ہوئے ان کی تائید کر دی۔


مشرق وسطیٰ میں امن و استحکام کی خرابی کا باعث اسرائیل ہے، ملیحہ لودھی


خیال رہے کہ گذشتہ روز امریکی سفارت خانے کی تل ابیب سے مقبوضہ بیت المقدس منتقلی کے خلاف مشرقی یروشلم کی سرحد پر ہزاروں کی تعداد میں فلسطینی عوام مظاہرہ کرنے کے لیے جمع ہوئے تھے، جس پر صیہونی افواج کی جانب سے مظاہروں کو روکنے کےلیے وحشیانہ طاقت استعمال کیا گیا ہے۔

احتجاج کرنے والے نہتے فلسطینیوں پر اسرائیل کی دفاعی افواج کی فائرنگ سے 28 شہری شہید اور 2700 سے زائد زخمی ہوئے تھے۔


اسرائیل کا فلسطینیوں سے رویہ ظالمانہ ہے، احتجاج کا حق ہے، فلسطینی سفیر


یاد رہے کہ فلسطین کی عوام اسرائیلی افواج اور حکام کی چیرہ دستیوں اور گذشتہ 70 برس سے جاری فلسطین کی ناکا بندی اور اپنی سرزمین کی آزادی کے لیے گذشتہ سات جمعوں سے احتجاج مظاہرہ کررہے ہیں، جس پر اسرائیلی افواج کی فائرنگ اور تشدد سے کئی ہزار شہری زخمی جبکہ 200 سے زائد شہید ہوگئے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Print Friendly, PDF & Email

This post is shared by PakPattani.com For Information Purpose Only

اپنا تبصرہ بھیجیں