پاک، روس تعلقات کے 70 سال مکمل، دفتر خارجہ کا علاقائی ترقی پر زور

اسلام آباد: پاک، روس تعلقات کے 70 سال مکمل ہونے پر پاکستان دفتر خارجہ نے نیک خواہشات کا اظہار کرتے ہوئے دونوں ملکوں کے درمیان علاقائی ترقی پر زور دیا ہے۔

ترجمان دفتر خارجہ کے مطابق پاک روس تعلقات تاریخ کی بلند ترین سطح کو چھو رہے ہیں، دو طرفہ سطح پر روابط بڑھانے کی امنگ اور جستجو موجود ہے، پاک روس دوستی تیزی سے قابل اعتماد اشتراک میں بدل رہی ہے، چاہتے ہیں روس کے ساتھ دوستی مزید مضبوط کی جائے۔

ترجمان دفتر خارجہ کی جانب سے جاری کردہ بیان میں کہا گیا ہے کہ دو طرفہ روابط باہمی اعتماد اور مشترکہ مفادات پر مبنی ہیں، پاکستان روس علاقائی وعالمی امور پر یکساں موقف رکھتے ہیں، دونوں ممالک ہمسایہ اور دیرپا امن واستحکام میں شراکت دار ہیں، پاکستان اور روس علاقائی ترقی کی مشترکہ خواہش رکھتے ہیں۔

پاکستان کا ترکی اور روس کے تعلقات میں بحالی کا خیر مقدم

ترجمان کا کہنا تھا کہ اعلیٰ سطح کے دوروں اور ادارہ جاتی انتظام سے روابط مزید مضبوط ہوں گے، تجارت، توانائی، دفاع سمیت تمام شعبوں میں تعاون بڑھایا جائے گا، عالمی سطح پر بین الاقوامی تنظیموں میں بھی باہمی مؤقف یکساں ہے، دوطرفہ ممالک کے درمیان تعلقات جتنے مضبوط ہوں گے عالمی سطح پر اس کے اتنے ہی بہتر نتائج نکلیں گے۔

دفتر خارجہ کے ترجمان کا مزید کہنا تھا کہ روس نے شنگھائی تعاون تنظیم رکنیت کے لیے پاکستان کی بھرپور حمایت کی ہے، روس انتہائی اہم عالمی قوت، ترقیاتی شراکت دار اور خطے میں اہم حصہ دار ہے، طویل المعیاد کثیر الجہتی اشتراک دونوں ممالک کے عوام کے لیے فائدہ مند ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

This post is shared by PakPattani.com For Information Purpose Only

اپنا تبصرہ بھیجیں