دنیا کی سب سے پرانی مکڑی 43 برس کی عمر میں چل بسی

سڈنی: 1974 میں پیدا ہونے والی دنیا کی معمر ترین مکڑی 43 برس کی عمر میں چل بسی۔

غیر ملکی میڈیا کے مطابق نمبر 16 کے نام سے پہچانی جانے والی اس مکڑی کو سب سے پہلے کیڑے مکوڑوں کی زندگی پر تحقیق کرنے والے سائنس دان باربرا یوریک مین نے دیکھا تھا۔

اس کے بعد باربرا اس مکڑی کا مشاہدہ جاری رکھا، یہ مکڑی عام مکڑیوں کی مقابلے میں بھاری جسامت رکھتی ہے اور زہریلی ہوتی ہے، یہی وجہ ہے کہ یہ اپنے بلوں سے باہر آتی ہیں تو انسانوں کا نشانہ بن جاتی ہیں۔

مکڑی کو بھیڑ کے ڈنک سے مارا گیا ہے

تحقیق کاروں کا کہنا ہے کہ مکڑی اپنی طویل عمر کی وجہ سے نہیں مری بلکہ اس کو بھیڑ کے ڈنک سے مارا گیا ہے۔

اس قسم کی مکڑیاں صرف ایک محفوظ مقام پر رہتے ہوئے طویل عمر پاجاتی ہیں، اس سے قبل میکسیکو میں ٹرائنولا نامی مکڑی 28 برس تک زندہ رہی تھی، جبکہ امید کی جارہی تھی مکڑی 16 سے 50 برس تک زندہ رہے گی۔

کرٹن یونیورسٹی کی لیندا میسن کا کہنا ہے کہ ہماری معلومات کے مطابق اس مکڑی نے اب تک سب سے طویل عمر پائی ہے تاہم مکڑی کے رویے اور آبادی کے حوالے سے تحقیقات کی جارہی ہیں۔

مکڑی اپنا جالا کیسے بناتی ہے؟

مکڑٰ دراصل شکار کو پھانسنے کے لیے جالا بناتی ہے، اس جالے میں چھوٹے کیڑے، مکھیاں اور مچھر پھنس جاتے ہیں، جنہیں مکڑی بطور خوراک استعمال کرتی ہیں۔

Print Friendly, PDF & Email

This post is shared by PakPattani.com For Information Purpose Only

اپنا تبصرہ بھیجیں